قواعد کےمطابق سرکاری جگہوں اور دیواروں پر پوسٹر لگانے پر پابندی ہے جس کے متعلق جی ایچ ایم سی پہلےسے آگاہ کرچکی ہے۔ پولیس نے اسکی خلاف ورزی کرتے ہوئے قلعہ گولکنڈہ کی دیوار پر پوسٹر چسپاں کیا جو بونال تہوار سے متعلق ہے۔
مذکورہ تہوار کے انتظامات سےمتعلق پولیس نے یہ پوسٹر چسپاں کیا تھا، تاہم قانون کی خلاف ورزی کر نے پر جی ایچ ایم سی نے یہ اقدام اٹھایا۔
اس سلسلہ میں جی ایچ ایم سی خیرت آباد زونل کمشنر مشرف فاروقی نے کہا کہ قانون کی خلاف ورزی کرنے والے کسی بھی شعبہ یا شخص کے خلاف کاروائی کرنے کا جی ایچ ایم سی کو اختیار ہے۔
دوسری جانب پولیس کا کہنا ہے کہ گولکنڈہ قلعہ جی ایچ ایم سی کےاحاطہ میں نہیں بلکہ محکمہ آثار قدیمہ سے منسلک ہے۔
