ہلاک شدہ جوانوں کے اہل خانہ کو مدد میں اضافہ

ریاست چھتیس گڑھ کے وزیراعلی بھوپیش بگھیل کی خاص کوششوں میں ہلاک شدہ جوانوں کے اہل خانہ کو دی جانے والی ایکس گریشیاء میں اضافہ کیا گیا ہے۔ اب یہ 20 لاکھ روپے کر دی گئی ہے۔

پہلے ہلاک شدہ جوانوں کے اہل خانہ کو تین لاکھ روپے ایکس گریشیاء دیا جاتا تھا۔ چھتیس گڑھ حکومت کی وزارت داخلہ کی جانب سے آج اس تعلق سے حکم جاری کر دیا گیا ہے۔

ریاستی حکومت کی جانب سے پولیس ہیڈکوارٹر کی پیشکش پر بھارتی حکومت کی نئی ایس آر ای گائیڈ لائن کے مطابق ماؤنواز تشدد میں ہلاک شدہ جوانوں کے اہل خانہ کو دی جانے والی ایکس گریشیاء قیمت میں اضافہ کیا گیا ہے۔