راجستھان کے شہر اجمیر میں حج کمیٹی آف انڈیا کی جانب سے عازمین حج کے لیے آن لائن فارم بھرنے کی سہولیات سے عام مسلمانوں کو راحت نصیب ہوئی ہے۔
یہی وجہ ہے کہ خدمت خلق کے لیے اجمیر کے ڈاکٹر حاجی رمضان خان نے اپنے دواخانے کو عازمین حج کے دفتر میں تبدیل کر دیا ہے جہاں وہ روزانہ عقیدت مندوں کے لیے مفت فارم بھر کر مدد کررہے ہیں۔
ڈاکٹر حاجی رمضان اپنے اخراجات سے عازمین حج کو ضروری دستاویز درست کرا رہے ہیں۔ اس کے علاوہ سفر حج سے متعلق باریکیوں سے حج کے ارکان کے متعلق جانکاری بھی فراہم کرا رہے ہیں، خاص بات یہ ہے کہ اس نیک کار خیر میں مقامی لیڈران بھی عازمین حج کے دستاویز کو درست کرا رہے ہیں، جسے محلے کے لوگ اچھا قدم بتا رہے ہیں-
مزید پڑھیں : ملک بھر میں حج۔ 2020 کے لیے فارم بھرنے کا آغاز
خاص بات یہ بھی ہے کی یہاں عقیدت مندوں کو اپنے موبایل کے ذریعہ حج 2020 کا فارم بھرنے کا طریقہ بھی سمجھایا جا رہا ہے جس سے کوئی دور دراز قیام کرنے والا شخص خود بھی آن لائن فارم بھر سکے۔
ضروری دستاویز میں دس نومبر 2019 سے قبل بنا ہوا پاسپورٹ, دو رنگین فوٹو, آدھارکارڈ , پین کارڈ بلڈ گروپ رپورٹ اور 300روپے فارم کے جمع کرانے ہوں گے۔
