اس خصوصی بات چیت میں انہوں نے کہا کہ 'اس وقت آئین بچانے کی ضرورت ہے۔ پارٹی مفاد و دیگر چیزوں سے اوپر اٹھ کر ایک پلیٹ فارم پر آئے اور اس سیاہ قانون کے خلاف پوری مضبوطی سے لڑیں تبھی ہم فرقہ پرست حکومت کو شکست دے سکتے ہیں'۔
عمران پرتاپ گڑھی سے ای ٹی وی بھارت کی خصوصی بات چیت
عمران پرتاپ گڑھی نے کہا کہ 'مرکزی حکومت کے ساتھ ساتھ بہار کی نتیش حکومت بھی اس قانون کے نافذ کئے جانے کی ذمہ دار ہے، ایک طرف تو وہ دونوں ایوانوں میں اس بل کی حمایت کرتے ہیں اور پھر دوسری جانب عوام کو بے وقوف بنانے کے لیے کہتے ہیں کہ یہاں این آر سی نافذ نہیں کیا جائے گا، یہ کیسا دوہرا رویہ ہے'۔
عمران پرتاپ گڑھی نے کہا کہ آج پورا ملک شاہین باغ ہو گیا ہے، ہماری ماں اور بہنیں احتجاج پر بیٹھی ہیں اس کے باوجود یہ حکومت یا ان کا کوئی کارندے گفت و شنید کے لیے نہیں گئی۔
