منموہن سنگھ کی حالت مستحکم

سابق وزیراعظم منموہن سنگھ کو سینے میں درد کی شکایت کے بعد گزشتہ شب ایمس میں داخل کیا گیا ہے۔

کانگریس پارٹی کے سینئر رہنما اور سابق وزیر اعظم ڈاکٹر منموہن سنگھ کو سینے میں درد کی شکایت کے بعد نئی دہلی کے آل انڈیا انسٹی ٹیوٹ آف میڈیکل سائنسز (ایمس) میں داخل کیا گیا ہے۔ ذرائع کے مطابق وہ کارڈیو تھراسک وارڈ میں زیر نگرانی ہیں۔

تاہم آج علی الصباح ڈاکٹروں نے بتایا کہ ڈاکٹر منموہن سنگھ کی حالت مستحکم ہے اور ڈاکٹروں کی ایک ٹیم ان کی نگرانی کررہی ہے۔

ڈاکٹر منمہون سنگھ کے ایمس میں داخل ہونے کے بعد کانگریس پارٹی کے اعلیٰ رہنماعیادت کرنے کے لیے ایمس پہنچ رہے ہیں۔