ای ٹی وی بھارت نے چند روز قبل اس حوالے سے ایک خبر نشر کی تھی، جس کا ضلع ترقیاتی کمشنر کے کے سدھا اور پی ایم جی ایس وائی نے سنجیدہ نوٹس لیتے ہوئے مذکورہ سڑک کی مرمت کا کام شروع کیا۔
لوگوں کا کہنا ہے کہ علاقہ میں رابطہ سڑک کی خرابی کے سبب آمد و رفت میں دشواریاں پیش آتی تھی۔ بالخصوص مقامی علاقہ میں رہائش پذیر لوگوں کو بیمار افراد اور حاملہ خواتین کو اسپتال لے جانے میں کافی مشکات کا سامنا کرنا پڑتا تھا۔ تاہم سڑک پر کام شروع ہونے سے لوگوں نے خوشی کا اظہار کیا ہے۔
لوگوں کا کہنا ہے کہ انہیں ہر موسم میں رابطہ سڑک پر دھول اور مٹی سے مشکلات کا سامنا کرنا پڑتا تھا۔ ان کے مطابق علاقہ میں گاڑیوں کے چلنے سے مٹی اور دھول ان کے گھروں کے اندر داخل ہوجاتی تھی اور سڑک پر گڑہوں کی وجہ سے اس میں پانی بھر جاتا تھا۔
مقامی لوگوں نے پردھان منتری گرام سڑک یوجنا کے کام کاج پر اطمینان کا اظہار کیا، انہوں نے پی ایم۔جی ایس وائی سے مطالبہ کیا کہ مذکورہ سڑک کے کنارے ڈرینیج نظام اور باندھ کا قیام بھی عمل میں لایا جائے تاکہ یہ سڑک پانی اور کیچڑ سے محفوظ رہے۔
