من کی بات کے عنوان سے منعقد پروگرام میں مرکزی اقلیتی بہبود کے وزیر مختار عباس نقوی جو اس تقریب کے مہمان خصوصی تھے خالی کرسیاں دیکھ کر جلدی ہی اپنی تقریر ختم کرکے چلے گئے۔
پروگرام اپنے وقت مقررہ سے ایک گھنٹے کی دیری سے شروع ہونے کے باوجود بھی 80 فیصد کرسیاں خالی رہیں۔ جبکہ اس پروگرام کی ضلع بھر میں خوب تشہیر کی گئی تھی، جگہ جگہ پروگرام کے ہورڈنگز بھی لگائے گئے تھے۔
بھارت کے من کی بات کے عنوان سے منعقدہ اس پروگرام میں مودی حکومت کی حصولیابیوں کو ایل سی ڈی ریکارڈنگ کے ذریعے دکھایا گیا۔
اس موقع پر ریاست کے مینتھا اور دھان کے کاروباریوں نے مرکزی وزیر نقوی کے سامنے اپنی شکایتیں رکھتے ہوئے ریاست کی یوگی حکومت اور مرکز کی مودی حکومت کو بھی اپنی تنقید کا نشانہ بنایا۔
اس دوران مرکزی وزیر نقوی نے پلوامہ حملے کا ذکر کرتے ہوئے ہوئے کہا کہ ہم اس حملے کا منھ توڑ جواب دے رہے ہیں۔
