برطانیہ میں مئی سے پہلے ہی لاک ڈاؤن میں نرمی؟

بورس جانسن سات مئی سے پہلے لاک ڈاؤن میں نرمی کا اعلان کرسکتے ہیں۔

برطانیہ کے وزیر اعظم بورس جانسن سات مئی سے پہلے لاک ڈاؤن میں نرمی کا اعلان کرسکتے ہیں۔

جانسن کے ایک معاون نے اتوارکو’دی ٹیلی گراف‘ کو بتایا ہے کہ 'برطانیہ میں لاک ڈاؤن سات مئی تک کے لیے ہے لیکن اگر جانسن چاہیں تو اس پابندی میں پہلے ہی تبدیلی یا پھر کوئی اعلان کر سکتے ہیں'۔

اخبار کے مطابق اگر کورونا وائرس کی روک تھام میں لگے ماہرین نے منظوری دے دی تو برطانوی وزیراعظم لاک ڈاؤن میں نرمی کرسکتے ہیں۔

جانسن کورونا وائرس پر قابو پانے کے بعد پیر سے اپنے کام پر واپس لوٹ آئے ہیں۔

قابل غور ہے کہ جان ہاپکنس یونیورسٹی کے اعداد و شمار کے مطابق برطانیہ میں 154000 سے زیادہ لوگ کورونا وائرس سے متاثر ہو چکے ہیں جبکہ اس بیماری کی زد میں آنے کی وجہ سے 20،700 سے زائد افراد نے اپنی جان گنوا دی۔