کورونا وائرس: برطانیہ میں سے سینکڑوں ہلاک، ہزاروں متاثر

برطانیہ میں مہلک وبا کورونا وائرس متاثرین میں مسلسل اضافہ ہورہا ہے، ملک بھر میں اس وائرس کی زد میں آ کر اب تک 759 افراد کی موت ہو چکی ہے۔

برطانوی محکمہ صحت نے بتایا کہ گزشتہ 24 گھنٹوں کے دوران ملک بھر میں کورونا وائرس کے معاملہ 11 ہزار 658 سے بڑھ کر 14ہزار 543 تک پہنچ گئے ہیں۔ محکمہ نے کہاکہ' 27 مارچ کو صبح نو بجے تک کل

ایک لاکھ تیرہ ہزار777 افراد کی جانچ کی گئی، جس میں 99 ہزار 234 کی رپورٹ منفی ہے جبکہ 14ہزار 453 افراد کے متاثر ہونے کی تصدیق ہوئی ہے۔ 26 مارچ کو شام پانچ بجے تک 759 متاثرین کی موت ہو گئی'۔

اس کے علاوہ برطانیہ کے وزیر اعظم بورس جانسن بھی کورونا وائرس کی جانچ میں مثبت پائے گئے ہیں۔ انہوں نے ایک ویڈیو جاری کرکے یہ اطلاع دی۔ اس خطرناک وائرس سے دنیا میں تقریبا27ہزار افراد کی موت ہو چکی ہے جبکہ تقریبا چھ لاکھ سے زائد اس سے متاثر ہیں۔