مرکزی وزارت صحت کی جانب سے جاری کردہ تازہ ترین اعداد و شمار کے مطابق ملک میں گزشتہ 24 گھنٹوں کے دوران کورونا وائرس کے 40 ہزار 425 کیسز کی تصدیق ہوئی ہے جس سے متاثرہ افراد کی مجموعی تعداد 11 لاکھ 18 ہزار 43 ہوگئی جبکہ گزشتہ 24 گھنٹوں میں 681 اموات ہوئی ہیں جس کے بعد ہلاک شدگان کی مجموعی تعداد 27 ہزار 497 ہوگئی جبکہ اس دوران 22 ہزار 664 افراد نے اس وائرس سے نجات حاصل کی ہے۔
فی الحال ملک میں کورونا وائرس کے 3 لاکھ 90 ہزار 459 فعال کیسز ہیں۔
ملک کی مختلف ریاستوں میں گزشتہ 24 گھنٹوں کے حالات پر نگاہ ڈالیں تو سب سے زیادہ متاثر مہاراشٹر ہے جہاں کورونا وائرس کے 9518 نئے کیسز سامنے آئے ہیں اور 258 افراد کی موت ہوئی ہے۔
مہاراشٹر میں مجموعی متاثرین کی تعداد 3 لاکھ 10 ہزار 455 اور ہلاک ہونے والوں کی تعداد 11 ہزار 854 ہوگئی ہے جبکہ ایک لاکھ 69 ہزار 569 افراد صحتیاب ہوچکے ہیں۔
