ایس آئی او کے ریاستی صدر ڈاکٹر طلحہ فیاض الدین نے مقتولہ کے خاندان سے تعزیت کا اظہار کرتے ہوئے حکومت سے مطالبہ کیا کہ اس معاملہ میں فاسٹ ٹریک عدالت کے ذریعہ سے متاثرہ کو فوری انصاف دلایا جائے۔
انہوں نے مزید کہا کہ اس واقعہ کے بعد ہونے والی تگ و دو سے ایسے واقعات کا مکمل تدارک ممکن نہیں کیونکہ اخلاق و اصولوں سے عاری معاشرہ میں ایسے واقعات ہونا لازم امر ہے۔
انہوں نے اخلاقی معاشرہ کی تعمیر میں نااہلی پر احتجاج کرتے ہوئے کہا کہ محض قانون سازی کی بنیاد پر ایسے جرائم کی روک تھام ممکن نہیں ہے۔ ایک ایسا معاشرہ جو بے حیائی، برہنگی اور نشہ میں دھت ہے وہ معیاری شہری فراہم نہیں کرسکتا۔ انہوں نے مطالبہ کیا کہ حکومت اس واقعہ کا سخت نوٹ لے قبل اس کے کہ صورتحال کنٹرول سے باہر نکل جائے۔
