ٹیپوسلطان مسلم یوتھ سنگھ شوراپور ضلع یادگیر کے ریاستی صدر ارشد دکھنی نے وزیراعظم نریندر مودی کی جانب سے ماہ رمضان کی مبارکباد دینے پر اظہار تشکر کیا۔
ارشد دکھنی نے وزیراعظم نریندر مودی سے اظہار تشکر کرتے ہوئے کہا کہ 'ہم ملک کے وزیراعظم نریندر مودی کا تہہ دل سے شکریہ ادا کرتے ہیں کہ انہوں نے اس ماہ رمضان المبارک کی ملک کے تمام مسلم برادری کو مبارکباد پیش کی ہے'۔
ارشد دکھنی نے ریاستی و مرکزی حکومت سے اپیل کرتے ہوئے مطالبہ کیا کہ 'لاک ڈوان کی وجہ سے کئی لوگ بے روزگار ہوئے ہیں۔ جنہیں دو وقت کی روٹی بھی دستیاب نہیں ہے'۔
انھوں نے کہا ہے کہ 'ایسے حالات میں ہم ملک کے وزیراعظم نریندرمودی سے اپیل کرتے ہیں کہ ملک کی مسلم برادری کے مستحق احباب میں ماہ رمضان کے لئے خصوصی پیکیج کا اعلان کرے، تاکہ لوگوں کو اس ماہ رمضان میں روزہ رکھنے اور عبادت کرنے میں سہولت ہو'۔
واضح رہے کہ ماہ رمضان کا چاند نظر آتے ہی بھارتی وزیراعظم نریندر مودی نے ملک کے تمام مسلمانوں کو ماہ رمضان کی مبارکباد پیش کی تھی۔
