کانگریس کی سینئر رہنما شیلا دیکشت کے انتقال پر دہلی حکومت کی جانب سے دہلی میں دو دنوں کے لیے سرکاری سوگ کا اعلان کیا گیا ہے۔
شیلا دیکشت کا انتقال دل کی بیماری کی وجہ سے ہوا ہے۔ ان کی آخری رسومات اتوار کو ادا کی جائیں گی۔
خیال رہے کہ شیلا دیکشت دہلی کی 15 برسوں تک وزیر اعلی تھیں۔ ان کے دور اقتدار میں دہلی میں برے پیمانے پر ترقیاتی اور تعمیراتی کام کیے گئے۔
سنہ 2002 میں دہلی کو میٹرو کا تحفہ شیلا دیکشت کے اقتدار میں دیا گیا۔
کانگریس رہنما کے انتقال کی خبر کے بعد کانگریس کے علاوہ دیگر پارٹیوں کے رہنماوں نے بھی انہیں خراج عقیدت پیش کی ہے۔
