چھ روزہ آن لائن پروگرام میں طلبہ کو یونیورسٹی میں حاصل مختلف اکتسابی سہولتوں، نصابی اور زیادہ نصابی سرگرمیوں، قواعد و ضوابط کی تفصیلات سے واقف کرایا گیا۔ یونیورسٹی کے اعلیٰ عہدیداروں اور سینئر اساتذہ نے طلبہ کو آن لائن مخاطب کیا۔
یونیورسٹی کے وائس چانسلر انچارج پروفیسر ایس ایم رحمت اللہ ،رجسٹرار انچارج پروفیسر صدیقی محمد محمود اور پروفیسر علیم اشرف جائسی، ڈین ، بہبودی طلبہ کی زیر نگرانی اس پروگرام کا کامیاب انعقاد عمل میں آیا۔
پروفیسر محمد عبدالسمیع صدیقی، صدر نشین تعارفی پروگرام کے بموجب اجلاس کے آخری دن پروفیسر محمد فریاد،پروگرام کوارڈینیٹر، نیشنل سرویس اسکیم (این ایس ایس) سیل نے این ایس ایس کا تعارف کراتے ہوئے اس کے تحت منعقدہونے والی سر گرمیوں کی معلومات فراہم کی۔ جس میں وقتاً فوقتاً خون کاعطیہ کیمپ،حیدرآباد کے دیہی علاقوں میں کی جانے والی سماجی خدمات شامل ہیں۔
یہ بھی پڑھیں:تلنگانہ: محمد سلیم نے حضرت نوری شاہؒ درگاہ کی وقف اراضی کا جائزہ لیا
