'آخر کار بھارت کا دعویٰ صحیح ثابت ہوا'

بھارتیہ جنتا پارٹی کے ترجمان سید شاہنواز حسین نے کہاکہ 'پاکستان کو دہشت گرد ملک اعلان کیا جانا چاہئے'، پاکستان نے ممبئی بم حملے کے سرغنہ داود ابراہیم کے کراچی میں ہونے کی بات قبول کرکے اپنی عسکریت پسندی کو حمایت دینے کی پالیسی ظاہر کردی ہے اور اب داؤد کو بھارت کے حوالے کرنا چاہئے۔

بی جے پی کے سینئر ترجمان سید شاہنواز حسین نے کہاکہ پاکستان کو مجبوری میں قبول کرنا پڑا ہے کہ ممبئی بم دھماکوں معاملہ کا سرغنہ داؤد ابراہیم اس کے یہاں ہے۔ بین الاقوامی دباؤ میں آخرکار اسے اپنے یہاں موجود دہشت گردوں کی فہرست جاری کرنی پڑی ہے'۔

انہوں نے کہا کہ دہشت گردوں کی محفوظ پناہ گاہ پاکستان کب تک اپنی ناپاک حرکتوں کو چھپائے گا۔ آخر کار بھارت کا دعوی صحیح ثابت ہوا اور اب پاکستان فوری طورپر داؤد کو بھارت کے حوالے کرے تاکہ اس کے گناہوں کا حساب ہوسکے'۔

شاہنواز حسین نے کہا کہ' پاکستان حکومت کی دہشت گردوں کی یہ فہرست اس کے گناہوں کا قبول نامہ ہے۔ دنیا کے ممالک کو اب اس فہرست کو پاکستان کے ناپاک ارادوں کا ثبوت مان کر، اسے دہشت گرد ملک اعلان کرنے کی کارروائی شروع کرنی چاہئے۔