'داؤد ابراہیم کورونا سے متاثر نہیں ہیں'

انیس نامی شخص جو ڈی کمپنی کے انڈرورلڈ آپریشنز اورفینانس کو کنٹرول کرتا ہے، نے بتایا کہ اس کا بھائی داؤد اور پورا خاندان کورونا سے محفوظ ہے۔ اور وہ اپنے گھر میں رہائش پذیر ہیں.

انیس کے مطابق وہ اپنے گھر میں رہائش پذیر ہیں۔ مافیا ڈان نے متحدہ عرب امارات اور پاکستان میں کاروبار چلانے کا اعتراف بھی کیا۔

انٹیلیجنس ایجنسیوں نے یہ اطلاع دی ہے کہ بھارت کے انتہائی مطلوب مفرور داؤد ابراہیم اور ان کی اہلیہ کووڈ-19 سے متاثر ہیں اور وہ کراچی کے آرمی ہسپتال میں داخل ہیں۔

انیس نے کہا ، "بھائی (داؤد) ٹھیک ہیں اور شکیل بھی ٹھیک ہیں۔ کسی کو بھی کورونا وائرس نہیں ہوا ہے۔ ہمارے گھر والوں میں سے کسی کو اسپتال میں داخل نہیں کیا گیا ہے ،"

فون پر کسی نامعلوم مقام سے بات کرتے ہوئے انیس نے بھارتی خبر رساں ایجنسی کو بتایا کہ اگرچہ کورونا وائرس ایک خوفناک وبا ہے ، لیکن ان کا بھائی داؤد اور خاندان کا کوئی فرداس سے متاثر نہیں ہوا اور وہ اپنے گھر میں رہ رہے ہیں۔ گفتگو کے دوران، مافیا ڈان نے متحدہ عرب امارات اور پاکستان میں کاروبار چلانے کا اعتراف بھی کیا۔

انٹلیجینس رپورٹس میں پہلے کہا گیا تھا کہ داؤد اور ان کی اہلیہ نے کورونا وائرس کا مثبت تجربہ کیا ہے۔ ان اطلاعات سے یہ انکشاف بھی ہوا ہے کہ اس کے عملے اور محافظوں کو الگ الگ کردیا گیا ہے۔

خیال رہے کہ داؤد ابراہیم بھارت کو مطلوب ہے، بھارت نے کئی بار اسے اس کے حوالے کرنے کا مطالبہ کیا مگر ہر بار پاکستان نے اس کی موجودگی سے انکار کیا۔

انٹلیجینس رپورٹس کے مطابق ڈان پاکستان اور متحدہ عرب امارات کی سرپرستی میں رہتا ہے اور اپنی سرگرمیوں کو انجام دیتا ہے۔