میرٹھ کے چودھری چرن سنگھ یونیورسٹی کے شعبہ اردو میں 'جیسا تم کہو' کے عنوان سے ایک شاندار ڈرامہ پیش کیا گیا۔ اس کا مقصد ڈرامہ صنف کو ایک بار پھر سے زندہ کرنے بتایا گیا ہے۔
اپٹا کے زیر اہتمام پیش کیا گیا اس ڈرامے کا مقصد آج کے ماحول میں طلبہ و طالبات اور نوجوانوں میں والدین کی اہمیت کو بیان کرنے کی کوشش کی گئی۔
سی سی یونیورسٹی میرٹھ کے شعبہ اردو کے صدر ڈاکٹر اسلم جمشید پوری نے بتایا ہے کہ 'سوشل میڈیا نے انسانی زندگی کو بہت متاثر کیا ہے ساتھ ہی رشتوں کی اہمیت کھوتی جا رہی ہے اسی اہمیت کو اس ڈرامے کے ذریعے بتانے کی کوشش کی گئی ہے'۔
ملک میں کورونا وائرس کے خطرے کو دیکھتے ہوئے سبھی طرح کی سیاسی سماجی اور ثقافتی پروگرامز پر پابندی عائد ہونے سے ڈرامہ صنف کو بھی بڑا نقصان پہنچا۔
ڈرامہ سے جڑے اداکاروں کے سامنے روزی روٹی کا بڑا مسئلہ پیدا ہوگیا تھا لیکن اب لاک ڈاون ختم ہونے سے اس صنف سے جڑے اداکاروں نے ڈرامے کے ذریعے یہ بتانے کی کوشش کی ہے کہ کس طرح چھوٹی چھوٹی باتوں سے شوہر اور بیوی کے درمیان اختلافات ہوتے ہیں اور اس کو کس طرح حل کیا جائے۔
مزید پڑھیں: بینڈ باجا کے کاروبار پر کورونا کا اثر، تاجر پریشان
اسی طرح اس ڈرامہ میں بچوں کو والدین کا ادب و احترام کی اہمیت کو بتانے کی کوشش کی گئی ہے۔
چودھری چرن سنگھ یونیورسٹی کے شعبہ اردو میں پیش کیے جا رہے اس ڈرامے کا مقصد نئے اداکاروں کو 'اپٹا' کے ذریعے ایک پلیٹ فارم بھی مہیا کرانا ہے۔
