ملک اور بیرون ملک میں کورونا وائرس سے متاثر ہونے والے افراد کی تعداد دو لاکھ سے بھی تجاوز کر گئی ہے۔
وہیں دہلی میں بھی کورونا وائرس سے متاثر ہونے والوں کی تعداد میں اضافہ ہورہا ہے۔
اس سے متعلق مرکزی حکومت اور ریاستی حکومتیں بھی اقدامات کر رہی ہیں۔ کورونا وائرس کے خوف کا اندازہ اس بات سے بھی لگایا جا سکتا ہے کہ وزیر اعظم نریندر مودی نے ملک کی عوام سے مخاطب ہوئے
تاہم اسی دوران ملک بھر میں شہریت ترمیمی قانون کے خلاف مختلف طریقوں سے برسراقتدار جماعت کے خلاف بھی احتجاجی مظاہرے ابھی بھی جاری ہیں۔
حالانکہ دہلی حکومت کی جانب سے 50 سے زائد افراد کو ایک جگہ جمع ہونے پر کارروائی کرنے کا حکم جاری جاری کیا ہے۔
اسی کو دیکھتے ہوئے دہلی میں جاری احتجاج میں مظاہرین اپنی حکمت عملی تبدیل کرتے ہوئے نظر آ رہے ہیں اور کورونا وائرس سے اپنی حفاظت کرنے کے لیے بھی تمام احتیاطی تدابیر اختیار کر رہے ہیں۔
ایسا ہی دہلی کے شاہی عیدگاہ میں جاری احتجاج میں دیکھنے کو ملا جہاں کرونا وائرس سے اپنی حفاظت کرنے کے لیے احتیاط برتنا سکھا رہے ہیں۔
ویڈیو میں دیکھا جا سکتا ہے کہ کس طرح خواتین ہاتھوں کو سینیٹائزر سے صاف کرنے کا طریقہ مظاہرین کو سکھا رہی ہیں۔
