تمل ناڈو میں جمعہ کو کورونا انفیکشن کے 5158 نئے معاملے سامنے آئے جبکہ 68 متاثرین کی موت ہوگئی۔
محکمہ صحت کی جانب سے جاری بلیٹن کے مطابق کورونا کے نئے معاملات کے ساتھ انفیکشن کے اعدادوشمار بڑھ کر 6,46,128 ہوگئے اور اس بیماری سے مرنے والوں کی تعداد 10120 ہوگئی۔
اس مدت میں 5357 مریض صحت یاب ہوئے ہیں، جنہیں مختلف اسپتالوں سے چھٹی دے دی گئی۔ریاست میں اب تک 5,91,811 افراد کورونا سے نجات حاصل کرچکے ہیں۔
بلیٹن کے مطابق گزشتہ 24 گھنٹوں میں 97,087 نمونوں کی جانچ کی گئی جسے شامل کرکے اب تک 81,41,534 نمونوں کی جانچ کی جاچکی ہے۔ریاست میں ابھی 44197 فعال معاملات ہیں۔
کورونا کے قہر سے سب سے زیادہ دارالحکومت چنئی میں جمعہ کو 1288 لوگوں کے متاثر ہونے کی تصدیق ہوئی جبکہ مزید 22 مریضوں کی موت ہوگئی۔چنئی میں انفیکشن اور اموات کے اعدادوشمار بالترتیب 1,79,424 اور 3373 ہوگئے ہیں۔
