بھارت میں کورونا متاثرین کی تعداد پچاس ہزار کے قریب ہو گئی

ملک بھر میں کورونا وائرس تیزی سے پھیل رہا ہے، اس وبأ سے متاثر ہونے والے لوگوں میں کوئی کمی ہوتی نظر نہیں آرہی ہے۔

کورونا وائرس کو روکنے کے لیے مرکزی حکومت کی جانب سے ملک بھر میں لاک ڈاؤن نافذ کیا گیا ہے لیکن حکومت کے اس امتناع پر عوام مکمل طریقے سے عمل پیرا نہیں ہے۔

مرکزی وزارت صحت کی جانب سے آج صبح جاری کردہ اعداد و شمار کے مطابق گزشتہ 24 گنٹوں کے دوران کورونا وائرس کے 3000 نئے معاملے سامنے آئے ہیں جس کے بعد ملک میں کورونا کے مریضوں کی کل تعداد 49،391 ہوگئی ہے۔

جبکہ اب تک 14،182 مریض اس بیماری سے صحتیاب ہوئے ہیں اور 1634 افراد کی موت واقع ہوئی ہے۔

اس وبأ کے سب سے زیادہ متاثر مہاراشٹر میں پائے گئے ہیں جہاں متاثرین کی تعداد 15،525 بتائی جارہی ہے، اس کے بعد دوسرے نمبر پر گجرات ہے جہاں کورونا متاثرین کی تعداد 6،245 ظاہر کی گئی ہے۔