اس وائرس کی وجہ سے ملک میں تین افراد کی موت بھی ہوچکی ہے، سنٹرل ریلوے نے 31 مارچ تک 22 ٹرینیں اور گو ایئر نے اپنی تمام بین الاقوامی پروازیں منسوخ کردی ہیں۔
ریاست تلنگانہ میں کورونا وائرس کے سات اور نئے معاملوں کی تصدیق ہوئی یہ سبھی متاثرین انڈونیشیا کے شہری بتائے جا رہے ہیں فی الحال انہیں آئیسلوشین وارڈ میں رکھا گیا ہے۔
بھارت میں کہاں اور کتنے مصدقہ کیسز؟
- مہاراشٹر: 47
- کیرالہ: 27
- ہریانہ: 17
- اتر پردیش: 17
- کرناٹک: 13
- تلنگانہ: 13
- دہلی: 10
- لداخ: 8
- راجستھان: 7
- جموں وکشمیر: 4
- آندھرا پردیش: 2
- اوڈیشہ: 1
- پنجاب: 2
- تمل ناڈو: 1
- اترا کھنڈ: 1
- مغربی بنگال: 1
- چنڈی گڑھ: 1
- پڈوچیری: 1
- چھتیس گڑھ: 1
وہیں علی گڑھ مسلم یونیورسٹی نے ذاکر حسین کالج آف انجینیئرنگ اینڈ ٹیکنالوجی کے سبھی امتحانات منسوخ کر دیے گئے ہیں، اور ان امتحانات کو دو اپریم تک کے لیے منسوخ کر دیا گیا ہے۔
وہیں آئی آئی ٹی دہلی نے سبھی طلبا کو ہاسٹل خالی کرنے کا حکم جاری کیا حالانکہ ضرورت مند اور غیر ملکی طلبا اس حکم سے مستثنی ہیں، ہاسٹل میں ملازمین کی ایک منتخب تعداد کے ساتھ ٹیم کام کرے گی اور بقیہ طلبا کو پیک فوڈ دیا جائے گا۔
کورونا وائرس کو لے کر ریاست راجستھان میں امتناعی احکامات نافذ کر دیے وہیں راجستھان کے جھنجھن میں تین نئے معاملات سامنے آئے ہیں۔
وزارت برائے فروغ انسانی و فلاح وبہبود نے کہا ہے کہ سی بی ایس ای بورڈ اور یونیورسٹی سمیت ہر جگہ چلنے والے امتحانات کو 31 مارچ تک ملتوی کیا جا سکتا ہے۔
وہیں تہاڑ جیل انتظامیہ نے کورونا وائرس کے خطرات کے پیش نظر جیل میں بند قیدوں کو ان کے اہلخانہ سے ملاقات کرنے پر روک لگا دیا ہے، یہ روک 31 مارچ تک جاری رہے گی۔
اتر پردیش میں کورونا وائرس کے 17 نئے معاملوں کی تصدیق ہوئی ہے، آٹھ معاملے آگرہ میں دو غازی آباد میں اور چار نوئیڈا میں مصدقہ معاملے سامنے آئے ہیں۔
الہ آباد ہائی کورٹ میں تین دنوں کی تعطیل کا اعلان کر دیا ہے، وہیں دہلی ایمس نے لوگوں سے اپیل کی ہے کہ بہت ضروری نہیں ہو تو اپنا اپوائنٹمنٹ منسوخ کر دیں۔
