فرانس میں گذشتہ 24 گھنٹوں کے دوران کورونا وائرس (کووڈ۔19) کے ریکارڈ 60486 نئے کیسز رپورٹ ہوئے ہیں جس سے اس ملک میں کورونا متاثرین کی مجموعی تعداد 17 لاکھ سے تجاوز کر کے 1709716 ہوگئی ہے۔
واضح رہے کہ جمعہ کے روز فرانس کے قومی محکمۂ صحت عامہ نے یہ اطلاع دی۔
ایک دن پہلے ہی ملک میں کورونا کے 58 ہزار سے زیادہ نئے کیسز رپورٹ ہوئے تھے۔ جان لیوا وبا سے اب تک اس ملک میں 39916 افراد ہلاک ہوچکے ہیں۔
ملک میں کورونا وائرس کے پھیلاؤ کو کنٹرول کرنے کے لیے حکومت نے جزوی طور پرلاک ڈاؤن نافذ کیا ہے۔
صحت کے ایمرجنسی حالات اور ضروری کاموں کے لیے لوگوں کو صرف اپنے گھروں سے باہر کام کے مقام پر جانے کی اجازت ہے اور فرانس میں بار، کیفے، جم اور ریسٹورنٹز بند کر دیے گئے ہیں۔
فرانسیسی حکومت نے اندازہ لگایا ہے کہ ایک ماہ کے لیے ملک میں لاک ڈاؤن نافذ کرنے سے یومیہ سامنے آنے والے کورونا وائرس کے نئے کیسز پانچ ہزار تک محدود ہوسکتے ہیں۔
