کچھ ایسا ہی واقعہ گریٹر نوئیڈا کے جارچہ پولیس اسٹیشن کے علاقے میں پیش آیا ہے ، جو انتہائی تشویشناک ہے۔جہہاں ایک شخص کو کھانسنے پر دوسرے شخص نے یہ کہہ کر گولی مار دی کہ ’’ کورونا دے گا کیا‘‘۔
ضلع گوتم بودھ نگر میں لاک ڈاؤن ہے اور انتظامیہ کی واضح ہدایت ہے کہ لوگ گھروں میں ہی رہیں۔لیکن اس پر عمل آوری میں لوگ غیر سنجیدہ ہیں۔گریٹر نوئیڈا کے گاؤں دیا نگر میں چار افراد لوڈو کھیل رہے تھے۔
اسی دوران جئے سنگھ عرف گولو وہاں پہنچا ۔تبھی ایک شخص کو کھانسی آنے لگی۔ جب اس نے کھانسی شروع کی تو لوگوں نے اعتراض کیا۔ بات بڑھتی گئی اورکورونا وائرس تک پہنچ گئی اور تنازع کا رخ اختیار کر لیا۔
تبھی جئے ویر نے یہ کہتے ہوئے کہ ’’ کورونا دے گا کیا‘‘ طمانچہ سے پرشانت کی ٹانگ پر گولی مار دی ،جس سے پرشانت زخمی ہوگیا ۔ پرشانت کیلاش اسپتال میں داخل ہے اور خطرے سے باہر بتایا جا رہا ہے۔
