کرناٹک کے محمکہ صحت کا ماننا ہے کہ مہاراشٹر سے نقلِ مقام کرکے کرناٹک منتقل ہونے والے مزدوروں نے ریاست کے مختلف اضلاع کو کورنا سے متاثر کر دیا ہے۔
ضلع یادگیر میں کورونا وائرس سے متاثر 24 نئے معاملات سامنے آئے ہیں اس طرح اب یادگیر میں کورونا وائرس سے متاثر ہونے والوں کی جملہ تعداد 111 ہو گئی ہے۔
محکمہ صحت کا کہنا ہے کہ 'ضلع میں 24 جو کورونا وائرس سے متاثر معاملات سامنے آئے ہیں وہ تمام ریاست مہاراشٹرا سے آئے ہوئے ہیں۔ ان تمام لوگوں کو یادگیر ضلع کے نئے سرکاری اسپتال میں شریک کروایا گیا ہے'۔
ضلعی انتظامیہ نے عوام سے اپیل کرتے ہوئے کہا کہ دیگر ریاستوں سے آنے والے لوگوں کی ضلعی انتظامیہ کو اطلاع دیں، تاکہ ان کی جانچ ممکن ہوسکے
