نیشنل کنسٹرکشن ورکرز اینڈ ورکرز ویلفیئر آرگنائزیشن نے اتوار کو تعمیراتی مزدوروں کو نئے مزدوری کے قوانین کی جانکاری دی اور ان کے ہنر کی ترقی کے لئے ایک ورکشاپ کا اہتمام کیا۔
آرگنائزیشن کی صدر سنیتا دیوی نے بتایا کہ باہری دہلی کے سلطان پوری علاقے میں منعقدہ اس ورکشاپ میں مزدوروں کو پارلیمنٹ میں حال ہی میں منظور لیبر کوڈ کی جانکاری دی گئی اور انہیں نئے حقوق کے بارے میں بتایا گیا۔
اس موقع پر مزدوروں کے حقوق کے کارکنان کے لئے ایک خصوصی سیشن رکھا گیا۔ انہوں نے بتایا کہ دہلی کے دیگر علاقوں میں بھی اسی طرح کے ورکشاپس کا انعقاد کیا جائے گا۔
ورکشاپ کے دوران سنیئر مزدور رہنما اور دہلی مزدوروں کی بہبود کے بورڈ کے رکن تھانیشور دیال آدیگوڑی نے شرکا کو تعمیری مزدوروں کے حقوق کے لئے بنے مرکزی قوانین کے بارے میں بتایا۔
انہوں نے دہلی بلڈنگ تعمیراتی بہبود بورڈ میں تعمیراتی مزدوروں کے رجسٹریشن کے عمل اور مزدوروں کو ملنے والی فلاحی اسکیموں سے مزدوروں کو تفصیل سے واقف کرایا۔
اس دوران سوال جواب اور گروپ کی شکل میں کام کرنے جیسے اجلاس میں مزدوروں نے سرگرم طور پر حصہ لیا۔
