ریاستی کانگرس مجلس عاملہ کے رکن سنجے تیواری کی قیادت میں کارکنوں نے جمعہ کو نہرو گاندھی کنبہ کے آبائی آواس آنند بھون کے باہر گیٹ پر ریاستی حکو مت کی مخالف میں دھرنا دیا۔ کارکنان ہاتھوں میں حکومت مخالف نعرے لکھے بینر لئے ہوئے تھے۔اس پر'کانگریس کی بس یوگی سرکار بے بس۔پرینکا کا اپمان نہیں سہے گا ہندوستان'جیسے نعرے آویزاں تھے۔
تیواری نے کہا کہ صدر جمہوریہ کو خون سے لکھے خط میں بی جے پی کو نفرت کی سیاست کرنے سے بچانے کی اپیل کی ہے۔
انہوں نے کہا کہ بی جے پی نفرت کے جذبے سے سیاست کررہی ہے جس کا نتیجہ ہے کہ کانگریس صدر سونیا گاندھی پر کرناٹک حکومت نے فرضی مقدمہ درج کیا اور ریاستی کانگریس صدر اجے کمار للو کو بھی بسوں کے صحیح دستاویز نہ دینے کے الزام میں جیل بھیج دیاگیا۔
انہوں نے صدر جمہوریہ سے اپیل کہ ہے کہ محترمہ گاندھی صرف رکن پارلیمان نہیں ہے بلکہ مین اپوزیشن پارٹی کانگریس کی صدر بھی ہیں۔
ان کے خلاف درج ایف آئی آر منسوخ کر کے خاطی افسران کے خلاف سخت کارروائی کی جائے اور اجے کمار للو کو بغیر شرط رہا کیا جائے۔
انہوں نے الزا لگایا کہ مہاجر مزدوروں کے لئے کانگریس جنرل سکریٹری پرینکا گاندھی واڈرا کی جانب سے دستیاب کرائی گئی کو چلانے کی اجازت یوگی حکومت کی جانب سے نہیں دی گئی۔بی جے پی رہنماؤں کی طرف سے لگاتا الزامات کا سلسلہ جاری ہے۔
