کانگریس پارٹی اراکین پارلیمان کی معطلی کو منسوخ کرنے کی مانگ کریں گے، اور وزیر داخلہ امیت شاہ سے استعفے کی بھی مانگ کی، کانگریس کے رہنما راہل گاندھی بھی احتجاجی مظاہرے میں شامل رہے، کانگریس کارکنان کے نے مرکزی حکومت پر دہلی میں ہوئے فرقہ وارانہ فسادات کو نہیں روکوانے کا بھی الزام عائد کیا۔
شمال مشرقی ریاست آسام سے کانگریس کے رکن پارلیمان گورو گگوئی نے کہا کہ ان کی مانگ ہے کہ حکومت دہلی میں ہوئے فرقہ وارانہ فسادات کے متاثرین کی مدد کرے اور ان کے مالی نقصان کی بھرپائی کرے۔ اور اس پر ایوان میں بحث کرے
کانگریس کے جن اراکین پارلیمان کے خلاف کارروائی کی ان میں گورو گوگوئی، پی این پرتھاپن، ڈین کوریاکوز، آر انیتھن، مانیکم ٹیگور، بینی بینتھم ، گرجیت سنگھ اوجلا شامل ہیں۔
واضح رہے کہ بجٹ اجلاس 2020-21 کا دوسرا مرحلہ چل رہا ہے، لیکن اپوزیشن جماعتیں دہلی میں ہوئے فرقہ وارانہ فسادات سے متلعق بحث کرانے کے لیے بضد ہے۔
اپوزیشن جماعتوں کی جانب سے پارلیمنٹ میں ہنگامہ آرائی کا سلسلہ جاری ہے گزشتہ روز لوک سبھا کے اسپیکر نے کانگریس کے سات اراکین پارلیمان کو ہنگامہ کرنے اور ایوان کی کارروائی میں رخنہ ڈالنے کے الزام میں اجلاس سے معطل کر دیا ہے۔
