کانگریس نے 21 اسمبلی نشستوں پر امیدواروں کے ناموں کا اعلان کیا ہے۔ پارٹی کے ان امیدواروں کو پارٹی کا نشان بھی دیا گیا ہے۔
بتایا جارہا ہے کہ کانگریس کی جانب سے کچھ امیدواروں کو دہلی میں اور کچھ کو پٹنہ میں نشان دیا گیا تھا، بہار کانگریس کی قانون ساز پارٹی کے رہنما سدانند سنگھ نے ان امیدواروں کو پارٹی کا نشان دیا ہے۔ ان میں سے زیادہ تر امیدواروں 7 اکتوبر کو پرچہ نامزدگی داخل کریں گے۔
یہ بھی پڑھیں: چراغ کی 'کہیں پہ نگاہیں کہیں پہ نشانہ'
خیال رہے کہ 28 اکتوبر کو بہار میں پہلے مرحلے کے انتخابات کے لیے ووٹنگ ہوگی، اسی کے ساتھ ہی دوسرے مرحلے میں بھی 3 نومبر کو جبکہ تیسرے مرحلے میں 7 نومبر کو ووٹ ڈالے جائیں گے۔ ووٹوں کی گنتی 10 نومبر کو ہوگی۔
اس کے ساتھ ہی پہلے مرحلے میں 16 اضلاع کی 71 اسمبلی نشستوں کے لیے ووٹ ڈالے جائیں گے، دوسرے مرحلے میں 17 اضلاع کی 94 اسمبلی نشستوں کے لیے ووٹنگ ہوگی اور تیسرے مرحلے میں 78 اسمبلی نشستوں پر رائے شماری ہوگی۔
