کانگریس نے منگل کے روز 21 دن کے لاک ڈاؤن کے آخری دن قوم سے وزیر اعظم مودی کے خطاب سے متعلق بیان بازی کو کھوکھلہ قرار دیتے ہوئے کہا کہ مودی کے خطاب میں معاشی بحالی کے لئے کسی مالی پیکیج یا ٹھوس اقدامات کا کوئی ذکر نہیں ہے۔
سینئر کانگریس لیڈر پی چدمبرم نے ٹویٹ کر کے کہا 'غریبوں کو 21 + 19 دن تک اپنا خرچ برداشت کرنے پر چھوڑ دیا گیا ہے'۔
پی ایم مودی نے منگل کے روز اعلان کیا ہے کہ کورونا وائرس وبائی مرض سے نمٹنے کے لئے ملک بھر میں لاک ڈاؤن کو 3 مئی تک بڑھایا جائے گا۔
انہوں نے کہا کہ ہمارا یہ قدم انفیکشن پر قابو پانے میں کارآمد ثابت ہوا ہے۔
کانگریس کے ترجمان ابھیشیک سنگھوی نے کہا کہ وزیر اعظم کا خطاب ہیملیٹ کی طرح تھا جیسے بغیر ڈنمارک کے شہزادہ۔
انہوں نے کہا وزیر اعظم کا خطاب حیرت انگیز تھا، نصیحت، بیان بازی، الہام، ابھی تک تفصیلات پر کھوکھلا ہے! نہ غریب کے لیے، نہ ہی متوسط طبقے کے لئے اور نہ ہی صنعت اور نہ ہی کاروباریوں کے لئے کوئی خاص اقدم اٹھایا گیا۔ لاک ڈاؤن اچھا ہے لیکن معیشت کا کیا'۔
وزیر اعظم مودی نے آج صبح دس بجے قوم سے خطاب میں یہ اعلان کیا تھا کہ ملک میں 03 مئی تک لاک ڈاؤن نافذ رہے گا۔
