بچوں کے حقوق کی حفاظت کرنے والے قومی کمیشن نے سبھی ریاستوں کے پولیس ڈائریکٹر جنرل اور پولیس انسپیکٹر جنرلوں کو جنسی جرائم سے متاثر بچوں کی شناخت عام نہ کرنے کا مشورہ دیتے ہوئے بدھ کو کہا کہ اس کی خلاف ورزی کرنے والوں کے خلاف سخت کارروائی کی جانی چاہیے۔
کمیشن کے صدرپرینک قانون گو نے یہاں اس خط کی کاپی جاری کرتے ہوئے کہا کہ' حال میں دیکھا گیا ہے کہ بچوں سے متعلق جنسی جرائم کے معاملوں میں پولیس افسریا جانچ افسر ایسے بچوں کا نام یا ایسی معلومات میڈیا میں عام کردیتے ہیں جس سے ان کی شناخت ہوجاتی ہے۔ انہوں نے کہا کہ یہ پوکسو ایکٹ کی مختلف دفعات کی خلاف ورزی ہے۔
خط میں کمیشن نے سبھی ریاستوں اور مرکز کے زیر انتظام ریاستوں کے پولیس ڈائریکٹر جنرلوں اور پولیس انسپیکٹروں کو ایسے بچوں کی شناخت عام نہ کئے جانے کو یقینی بنانے کو کہا ہے۔ خط میں پوکسو ایکٹ 2012 کے التزامات کی خلاف کرنے والے افراد،تنظیموں اور افسروں کے خلاف بھی کارروائی کرنے کو کہا گیا ہے۔
خط کی ایک کاپی مرکزی داخلی سکریٹری کو بھی بھیجی گئی ہے اور اس سلسلے میں ضروری کارروائی کرنے کی درخواست کی گئی ہے۔
