دہلی میں تشدد کے واقعات نہایت افسوسناک اور قابل مذمت: کمل ناتھ

مدھیہ پردیش کے وزیراعلی کمل ناتھ نے ملک کی راجدھانی دہلی میں ہوئے تشدد کے واقعات پر دکھ کا اظہار کیا۔

کمل ناتھ نے ٹوئٹ کرکے کہا کہ ملک کی راجدھانی دہلی میں ہوئے تشدد کے واقعات اور ان میں 22افراد کی موت نہایت افسوسناک اور قابل مذمت ہیں۔

انہوں نے لکھا کہ اس تشدد کو روکنے کے لئے سخت اقدامات کئے جانے نہایت ضروری ہیں۔

انہوں نے لکھا کہ آخرپرامن ملک کی راجدھانی کو تشدد کی آگ میں کس نے جھونکا،کون ہے اس کا ذمہ دار، کس کی ناکامی ہے، یہ بھی سامنے آنا چاہئے۔

انہوں نے کہاکہ ہم تمام کو متحد ہوکر امن قائم کرنے کی اپیل اور کوششیں کرنی چاہئیں۔