بڑھتی بے روزگاری کے خلاف یوتھ کانگریس چیتنا یاترا نکالے گی

یوتھ کانگریس کا کہنا ہے کہ بی جے پی حکومت سی اے اے اور این آر سی کے حق میں ماحول پیدا کرنے کی مہم چلانے میں مصروف ہے لیکن اسے بے روزگاری مہنگائی نظر نہیں آرہی ہے۔

اتراکھنڈ میں یوتھ کانگریس نے 15 جنوری کو بی جے پی حکومت کے خلاف چیتنا یاترا نکالنے کا اعلان کیا ہے۔

پریس کانفرنس میں این ایس یو آئی نیشنل کے رہنما اے ملک نے کہا کہ بی جے پی حکومت کو بیدار کرنے کے لیے ریلی نکالی جائے گی۔

انہوں نے کہا کہ ملک کے دیگر ریاستوں کی طرح اتراکھنڈ میں بھی بے روزگاری اور مہنگائی کی مار مسلسل عوام کو پریشان کر رہی ہے۔

انہوں نے مزید کہا کہ بی جے پی حکومت سی اے اے اور این آر سی کے حق میں ماحول پیدا کرنے کی مہم چلانے میں مصروف ہے لیکن اسے بے روزگاری مہنگائی نظر نہیں آرہی ہے۔

اس لیے بی جے پی کی آنکھیں کھولنے کے لیے یوتھ کانگریس چیتنا ریلی نکال کر حکومت کو بیدار کرے گی۔