چیلنج قبول کرنا میری فطرت ہے: دگ وجے سنگھ

کانگریس کے سینیئر رہنما اور مدھیہ پردیش کے سابق وزیراعلی دگ وجے سنگھ نے عام انتخابات میں حصہ لینے کی خواہش ظاہر کی۔

پارٹی کے جنرل سکریٹری دگ وجے سنگھ نے ٹویٹ کرکے کہا کہ راگھو گڑھ کے عوام نے 1977میں جنتا پارٹی کی لہر کے دور میں بھی مجھ پر بھروسہ کیا اور جیت دلائی۔ چیلنجوں کو قبول کرنا میری فطرت ہے۔ میرے رہنما راہل گاندھی جہاں سے کہیں گے میں وہاں سے لوک سبھا انتخابات کے لیے تیار ہوں۔

قابل ذکر ہے کہ 7 دسمبر 1993 سے آٹھ دسمبر 2003 تک کی مدت میں مدھیہ پردیش میں 10سال تک کانگریس کے اقتدار کا برقراررکھنے والے سنگھ جب تیسری بار حکومت بنانے میں ناکام رہے تو انہوں نے ریاست کی سیاست سے کنارہ کشی اختیار کرلی۔