افتتاحی تقریب میں اردو لائبریری ٹرسٹ اور اردو بک سیکرس ایسوسی ایشن کی جانب سے ڈاکٹر احمد رانا کا استقبال کیا گیا۔ اس پروگرام کی صدارت چیئرمن اردو لائبریری خالد عمر صدیقی نے کی۔
افتتاحی تقریب میں بطور مہمانان خصوصی میں جمیل کرانتی، الیاس صدیقی، نسیم قریشی، راشد ارشد مختار، الیاس صدیقی اور دیگر معززین شہر نے موجود رہے۔ اس تقریب کی نظامت صحافی مختار عدیل نے کی اور صحافی عبدالحلیم صدیقی نے مہمان کرام کو اردو کتاب میلہ کی سیر کروائی۔۔
مفتی محمد اسماعیل قاسمی نے کہا کہ مرکزی سرکار نے مالیگاؤں میں اردو گھر تعمیر کروایا ہے ۔ انھوں کہا کہ اردو اکیڈمی مہاراشٹرا کی جانب سے طلباء کیلئے اردو گھر میں مقابلہ جاتی امتحانات کی تیاری کیلئے فری کوچنگ سینٹر قائم کرے۔
ڈاکٹر احمد رانا صدیقی نے اردو کتاب میلہ کے تمام ذمہ داران کو مبارکباد پیش کی اور اردو کونسل کی جانب سے حکومتی سطح پر اردو کتاب میلہ بڑے پیمانے پر منعقد کرنے کی سفارش کی بات کہی۔ انھوں نے کہا کہ مرکزی سرکاری کی جانب سے بہت ساری اردو اسکیموں سے طلباء کا فائدہ ہوگا۔
ڈاکڑ احمد رانا صدیقی نے میڈیا کو تفصیلات سے واقف کروایا اور کتاب میلہ کی سیر کروائی۔
