دہلی محکمہ صحت کی عمارت میں آتشزدگی

تقریباً تین گھنٹےکی سخت مشقت کے بعد آگ پر قابو پایا جا سکا۔

مشرقی دہلی کے کڑکڑڈوما علاقے میں واقع دہلی صحت ڈائریکٹوریٹ کی عمارت میں شدید آگ لگ گئی، حالانکہ اس حادثے میں کسی بھی نقصان کی کوئی اطلاع نہیں ہے۔

فائر بریگیڈ کے افسر نے بتایا کہ ڈی جی ایچ ایس عمارت کی چھٹی منزل پر آگ لگنے کی اطلاع موصول ہوئی تھی۔

موقع پر فائر بریگیڈ کی متعدد گاڑیوں کو روانہ کر دیا گیا۔ بالآخر تقریباً تین گھنٹےکی سخت مشقت کے بعد آگ پر قابو پایا جا سکا۔

فی الحال آگ لگنے کی وجوہات کا پتہ نہیں چل سکا ہے۔