بھارتی ریاست اترپردیش اسمبلی کے ضمنی انتخابات میں استعمال ہونے والی ای وی ایم مشینوں کی ٹسٹنگ کا کام شروع ہوگیا ہے۔
گھوسی اسمبلی نشست کے لیے مہیا کرائی گئی ای وی ایم مشینوں کی ٹسٹنگ ڈویژنل لیکھپال ٹریننگ سینٹر پر شروع کی گئی ہے۔ اس کام میں مدد کے لیے انتظامیہ کی جانب سے ریونیو ڈپارٹمنٹ کے ملازمین کو لگایا گیا ہے۔
ای وی ایم ٹسٹنگ سنٹر کے نوڈل آفیسر راجیو کمار سنگھ نے بتایا کہ ٹسٹنگ کو ہر طرح کے شک و شبہات سے عاری رکھنے کے لیے سیاسی جماعتوں کے نمائندوں کو بھی مدعو کیا گیا ہے۔ اس موقع پر موجود کمیونسٹ پارٹی آف انڈیا کے نمائندے نفیس احمد نے بھی ای وی ایم سے متعلق جانکاری حاصل کی۔
ای ٹی وی بھارت سے بات چیت کرتے ہوئے نفیس احمد نے ای وی ایم کے بجائے بیلٹ پیپرز سے پولنگ کرانے کا مطالبہ کیا۔
انہوں نے کہا کہ بیلٹ پیپرز کا استعمال ہونے سے کسی بھی طرح کا شک و شبہ نہیں رہ جاتا۔
