اتراکھنڈ میں اسمبلی انتخابات ابھی بہت دور ہیں ، لیکن ریاست کی سیاسی فضا نے ابھی سے سیاسی رنگ لینا شروع کردیا ہے۔ جس طرح دہلی کے نائب وزیر اعلی منیش سسوڈیا نے گزشتہ روز اتراکھنڈ پہنچ کر بی جے پی حکومت پر ریاست میں بڑھتی مہنگائی پر تنقید کی تھی اور اسکے بعد کانگریس نے عاپ رہنما سیسوڈیا پر سیاسی حملہ کیا اس نے ریاست کے سیاسی ماحول کو گرمادیا ہے۔ تو وہیں ریاست میں بہوجن سماج پارٹی نے بھی کارکنوں کو ٹپس دینے کا سلسلہ شروع کرتے ہوئے متحرک کردیا ہے۔
آج بی ایس پی رہنماؤں نے اتراکھنڈ کے کاشی پور میں جسپور روڈ پر بی ایس پی رہنما محمد عاصم کی رہائش گاہ پر میٹنگ کے دوران دعوی کیا ہے کہ بی ایس پی 2020 کے اسمبلی انتخابات میں دوبارہ ابھر کر سامنے آئے گی اور اقتدار میں حصہ لے گی۔ اس دوران ، بی ایس پی رہنماؤں ستپال سنگھ نے میڈیا سے گفتگو کرتے ہوئے ریاست کے وزیر اعلی ، تریویندر سنگھ راوت کے بیمار ہونے پر سیاسی حملہ کیا اور کہا کہ ریاست میں پھر سے بی ایس پی کو بڑھانے پر کام کیا جا رہا ہے۔
