راکیش راٹھور کا ایک آڈیو وائرل ہورہا تھا جس میں انہیں مبینہ طور یہ کہتے ہوئے سنا گیا کہ وزیراعظم نریندر مودی کے ذریعے ملک کی عوام سے تھالی اور تالی بجائے جانے کی اپیل مکمل طور پر غلط ہے۔
سیتا پور سے بی جے پی کے رکن اسمبلی راکیش راٹھوڑ کو اس سلسلے میں وجہ بتاو نوٹس جاری کیا گیا ہے، 'بی جے پی کے ریاستی صدر سوتنرتا دیو سنگھ نے پارٹی مخالف سرگرمیوں میں ملوث ہونے کے الزام میں انہیں وجہ بتاو نوٹس جاری کیا ہے اور سات دنوں میں ان سے ضاحت طلب کیا ہے۔
آپ کو بتا دیں کہ جمعرات کے روز ایک آڈیو کلپ سوشل میڈیا پر وائرل ہوا، جس میں بی جے پی کے رکن اسمبلی نے پارٹی کے ہی ایک مقامی رہنما جے پی ساہو کے ساتھ بات کرتے ہوئے وزیر اعظم کے ذریعے لوگوں کو تالیاں بجانے اور گھنٹیاں بجانے کو لے کر تنقید کی اور اسے مکمل طور پر غلط قراردیا ہے۔
وائرل آوڈیو میں وہ مزید یہ کہہ رہے ہیں کہ 'کیا آپ تالیاں بجا کر کورونا وائرس کو ختم کردیں گے، آپ بے وقوفی کا ریکارڈ توڑ رہے ہیں، کیا آپ کے شنکھ بجا نے سے کورونا وائرس چلا جائے گا، کیا لوگ آپ کی طرح بے وقوف ہیں، وہ آپ سے روزگار لیں گے، تالیاں بجانے سے وائرس ختم ہو جائے گا'۔
ان کی اس بات چیت کا آڈیو سوشل میڈیا پر وائرل ہو گیا۔
