بہار: ریاستی وزیر کو اپنے ہی حلقے میں مخالفت کا سامنا

بہار اسمبلی انتخابات سے قبل سبھی اراکین اسمبلی اپنے اپنے حلقوں میں پہنچ رہے ہیں جس کے بعد مقامی اور گاؤں والوں کی ناراضگی کا اور سخت احتجاج کا سمانا کرنا پڑ رہا ہے، ایسے متعدد ویڈیوز سامنے آئے ہیں جس میں دیکھا گیا ہے کہ وزیر ہوں یا رکن اسمبلی کو مقامی افراد نے گاؤں میں داخل ہونے سے منع کر دیا ہے یا انہیں بھگا دیا ہے۔

بہار کے لکھی سرائے اسمبلی نشست سے بی جے پی کے امیدوار اور بہار کے لیبر وسائل کے وزیر وجئے کمار سنہا کو مقامی افراد کی سخت مخالفت کا سامنا رہا۔ سنہا ووٹ مانگنے لکھی سرائے کے ترہاری گاؤں پہنچے تھے جہاں مقامی افراد نے ان کی مخالفت شروع کر دی اور ان کے خلاف مردآباد کے نعرے لگانے شروع کر دیے۔

گاؤں میں لوگوں کی شدید مخالفت دیکھ کر وزیر کو بغیر کچھ کہے سنے وہاں سے لوٹنا پڑا۔ اگرچہ وزیر کے ساتھ موجود لوگوں نے گاؤں والوں کو راضی کرنے کی پوری کوشش کی، لیکن لوگوں نے ان کی ایک نہیں سنی اور انہیں واپس کردیا۔

اس سلسلے میں گاؤں کے لوگوں کا کہنا ہے کہ گزشتہ انتخابات میں انہیں کامیابی حاصل ہوئی اور رکن اسمبلی بننے کے بعد وزیر ایک بار بھی گاؤں نہیں آئے اور نہ ہی انہوں نے گاؤں میں کسی بھی طرح کی ترقیاتی کام کیے، جس کے لیے ہم نے ان کی مخالفت کی، اب پھر سے ووٹ مانگنے کے لیے وہ آگئے۔

بتادیں کہ لکھی سرائے اسمبلی حلقہ میں 28 اکتوبر کو انتخابات ہونے ہیں۔ جہاں 3 لاکھ 66 ہزار 177 رائے دہندگان ہیں، 168 لکھی سرائے اسمبلی حلقہ میں 18 امیدوار میدان میں ہیں، جن میں سے پانچ پارٹی اور 13 آزاد امیدوار ہیں۔