دھرنے کی حمایت کرنے کے لیے گزشتہ روز کانگریس کی رہنماء رنجیتا رنجن گیا کے شانتی باغ پہنچی جہاں ناہوں نے مرکزی اور ریاستی حکومت پرشدید نکتہ چینی کی ہے۔
شہر گیا میں بھی ملک کی دوسری ریاستوں کی طرح 'سی اے اے'، 'این آرسی' اور 'این پی آر' کی مخالفت میں گزشتہ بیس روز سے غیر معینہ دھرناجاری ہے یہ احتجاجی دھرنا 'سنویدھان بچاو مورچہ' کے بینر تلے کیا جا رہا ہے ۔
اس میں ہزاروں مرد وخواتین، بچے بوڑھے ونوجوان سمیت روزانہ سیاسی رہنماوں کے پہچنے کاسلسلہ جاری ہے، جمعہ کو کانگریس کی رہنما رنجیتارنجن بھی پہنچی اور گھنٹوں دھرنے میں بیٹھ کر اپنا احتجاج درج کرایا اس دوران انہوں نے مرکزی حکومت پر ملک توڑنے کاالزام عائد کیا۔
رنجیتا رنجن نے آزادی کے نعرے لگوائے، اور وہاں موجوداحتجاجی خواتین سے اور انکے جذبے اور حوصلے کی ہمت افزائی کی
انہوں نے کہا کہ 'کانگریس ملک کی سالمیت اور فرقہ ورانہ ہم آہنگی و قومی یکجہتی چاہتی ہے، جبکہ بی جے پی ملک میں نفرت اور خوف کاماحول قائم کرکے حکومت کرناچاہتی ہے۔
انہوں نے مزید کہا کہ بنیادی مسائل اورسوالات پر پردہ ڈال کر حکومت نے ملک کو الجھا کر رکھ دیاہے، اس دوران انہوں نے پلوامہ حملے اور سرجیکل اسٹرائک پر بھی سوال کھڑے کیے۔
رنجیتا رجن نے کہا کہ جموں وکشمیر سے گرفتار شدہ ڈی ایس پی کو شدت پسندوں کی مدد کرنے کے الزام میں گرفتار کیا گیا اتفاق سے ڈی ایس پی کا مذہبی اعتبارسے سکھ مذہب سے ہے۔
ان کا کہنا تھا کہ 'تاہم کانگریس کی حکومت ہوتی تو بی جے پی اور آرایس ایس اس کو مذہبی رنگ دیتی، مگر آج ایسا نہیں ہے، انہوں نے کہاکہ ڈی ایس پی تو صرف ایک مہرا ہے دراصل اسکے پیچھے کے سوال اب بھی پوشیدہ ہیں کہ پلوامہ حملے میں استعمال شدہ بھاری مقدار میں بارود کہاں سے اور کیسے آیا، آزادی کے سترسال میں کبھی ایسانہیں ہواکہ اتنے مقدار میں بارود دہشت گرد لیکر پہنچے یاپہنچائے گئے۔
انہوں نے حکومت کی منشا پر سوال کھڑے کرتے ہوئے کہا کہ اس کی نیت میں کھونٹ ہے ان کا کہنا تھا کہ کہ وزقعی بی جے پی اگر ایماندار ہے تو پلوامہ حملے کی تحقیقات کرائے اور اسے منظر عام پر لائے۔
