کامیڈی ڈرامہ گلابو سیتابو کی آن لائن ریلیز سے قبل، فلم کی پروموشنز کے ایک حصے کے طور پر ، میگا اسٹار امیتابھ بچن نے منگل کے روز ایک زبانی چیلنج کا آغاز کیا۔
گلابو کی کھٹر پٹر سے تتر بتر ستابو، ستابو کے اگر مگر سے اتھل پتھل گلابو، یہ جملے مزاحیہ فلم اور اس کے کرداروں کی عکاسی کرتے ہیں جو انتہائی مزاحیہ اور انوکھے انداز سے پیش کیے گئے ہیں۔
انسٹاگرام پر امیتابھ بچن نے لکھا کہ بس 5 بار بولنا ہے یہ زبان گھماؤ (ٹنگ ٹوسٹر) کوشش کریں گے آپ لوگ!۔ کریں گے تو ہماری چاندی ہوجائے گی سوائے ایک کے۔
ایمیزون پرائم ویڈیو میں 12 جون کو ریلیز ہونے والی اس فلم میں ، ایوشمان کھرانا اور بچن مرکزی کردار ادا کریں گے۔ دونوں اداکار پہلی بار اسکرین پر ایک ساتھ نظر آئیں گے۔
- " class="align-text-top noRightClick twitterSection" data="View this post on Instagram
Colourful at work .. too much colour happening .. the blues first and now the reds and ‘santara’🤣🤣
">
بچن جو سوشل میڈیا پر کافی متحرک ہیں انھوں نے انسٹاگرام پر اپنی ایک ویڈیو پوسٹ کی جس میں وہ اس جملے کو کئی بار بولنے کی کوشش کرتے نظر آئے لیکن ہر بار وہ ناکام ہوگئے۔
ویڈیو کے اختتام پر ، 77 سالہ اداکار اپنے مداحوں کو زبان چیلنج کو قبول کرنے اور اسے پانچ بار دہرانے کی اپیل کی ہے۔ مزاحیہ فلم 17 اپریل کو ریلیز کی جانے والی تھی لیکن کوویڈ 19 کے بحران کے سبب سنیما تھیٹرز بند ہونے کی وجہ سے ایسا نہیں ہوسکا۔
