ہریانہ اسمبلی انتخابات میں تسلی بخش کارکردگی کا مظاہرہ کرنے کے بعد پارٹی کے ریاستی صدر بھوپندر سنگھ ہڈا نے دلی میں سونیا گاندھی سے ملاقات کی۔
سونیا گاندھی کی رہائش گاہ پر ہوئی اس ملاقات کے بعد ہڈا نے کہا کہ سونیا گاندھی نے ہریانہ اسمبلی انتخابات میں پارٹی کی کارکردگی پر خوش کا اظہار کیا ہے۔
ہڈا نے مزید کہا کہ سونیا گاندھی نے کہا ہے کہ کارکردگی اچھی رہی ہے اور وہ اس سے خوش ہیں۔
تفصیلات کے مطابق دونوں رہنماؤں نے ہریانہ کی سیاسی صورتحال پر تبادلہ خیال کے ساتھ مستقل کی حکمت عملی پر بات کی۔
پارٹی کے سینیئر رہنماؤں کا ماننا ہے کہ ہڈا نے ریاست میں پارٹی کی کمان سنبھالنے میں دیری کر دی اگر وہ پہلے ہی پارٹی کی ذمہ داری قبول کر لیتے تو شاید ریاست میں کانگریس کی حکومت بن جاتی۔
واضح رہے کہ ہریانہ اسمبلی انتخابات میں کانگریس بھوپندر سنگھ ہڈا کی قیادت میں انتخابی میدان میں اتری تھی اور اس نے 31 سیٹوں پر جیت حاصل کی ہے جبکہ ریاست میں کسی بھی پارٹی کو واضح اکثر حاصل نہیں ہوئی ہے۔
اگرچہ بھارتیہ جنتاپارٹی اور جن نایک جنتا پارٹی مشترکہ طور پر ریاست میں ھکومت بنانے جارہی ہے جس کے بعد ریاست میں کانگریس کی حکومت بننے کے امکانات ختم ہو گئے ہیں۔
