حیدرآباد میں قائم دوا ساز کمپنی بھارت بائیوٹیک نے پیر کو سینٹرل ڈرگ ریگولیٹر سے کووڈ 19 ویکسین کے ہنگامی استعمال کے لئے منظوری حاصل کرنے کی درخواست دی ہے، سرکاری ذرائع نے یہ اطلاع دی ہے۔
کوویکسین ٹیکہ انڈین کونسل آف میڈیکل ریسرچ (آئی سی ایم آر) کے اشتراک سے بھارت بائیوٹیک نے دیسی طور پر تیار کیا ہے۔
وزیر اعظم نریندر مودی نے ویڈیو کانفرنسنگ کے ذریعے آگرہ میٹرو ریل پروجیکٹ کا افتتاح کرنے کے بعد پیر کو اپنے خطاب میں کہا کہ کورونا ویکسین کا انتظار ہے۔
4 دسمبر کو کل جماعتی اجلاس میں وزیر اعظم نے امید ظاہر کی تھی کہ کووڈ 19 ویکسین چند ہفتوں میں تیار ہوسکتی ہے۔ اسی دن کی شام کو امریکی دوا ساز کمپنی فائزر کی بھارت میں قائم برانچ نے کورونا کی ویکسین کے ہنگامی استعمال کے لئے مرکزی ڈرگ ریگولیٹر سے اجازت طلب طلب کی ہے، اس سے قبل اس کمپنی کو برطانیہ اور بحرین میں اس طرح کی منظوری مل چکی ہے۔
سیرم انسٹی ٹیوٹ نے 6 دسمبر کو آکسفورڈ سے 'کوویشیلڈ' کووڈ 19 ویکسین کے لئے اس سلسلے میں منظوری طلب کی تھی۔ بھارت بائیو ٹیک سیرم انسٹی ٹیوٹ اور فائزر کی درخواستوں پر مرکزی منشیات معیاری کنٹرول آرگنائزیشن (سی ڈی ایس سی او) میں کووڈ ۔ 19 پر سبجیکٹ ایکسپرٹ کمیٹی آنے والے دنوں میں غور و فکر کرے گی۔
سرکاری ذرائع نے بتایا 'حالانکہ ان میں سے ابھی تک کسی بھی درخواست کو کمیٹی کے پاس نہیں بھیجا گیا ہے، اور اس بارے میں نہ ہی کوئی تاریخ طے کی گئی ہے کہ کمیٹی ان درخواستوں کا جائزہ لینے کے لئے کب اجلاس کرے گی۔'
