ریاست بہار کے بھاگلپور شہر کے محلہ کبیر پور باشندہ جناب ہارون رشید، جو ان دنوں اپنے بیٹے کو لے کر فکرمند ہیں کیونکہ ان کا بیٹا محمد التمش احمد چین کے ہیاکو شہر میں پھنسا ہوا ہے۔
جہاں کورونا وائرس سے ڈر کا ماحول ہے اور شہر کو پوری دنیا سے منقطع کر دیا گیا ہے تاکہ کورونا وائرس کو مزید پھیلنے سے بچایا جاسکے۔
محمد التمش احمد ہیاکو شہر میں واقع ہینن میڈیکل کالج میں ایم بی بی ایس کا طالب علم ہے۔
محمد ہارون رشید کےمطابق ہیاکو شہر سے 300 کلو میٹر دور ہیان شہر سے کورونا وائرس کا قہر شروع ہوا تھا۔
اب تک چین کے تقریبا 16 شہر اس بیماری کی چپیٹ میں آچکے ہیں۔ اس لئے ہاسٹل میں رہ رہے طلباء کو کیمپس کے اندر ہی رہنے کی ہدایت ہے۔
کورونا وائرئس کے بارے میں ڈاکٹر کا کہنا ہے کہ اس وائرس کے ساتھ سب سے بڑی پریشانی یہ ہے کہ بیماری کی تشخیص جلدی سے نہیں ہو پاتی ہے ساتھ ہی یہ ایک دوسرے انتہائی تیزی سے پھیلتی ہے۔
چین سے شروع ہوئی یہ بیماری دھیرے دھیرے پوری دنیا کو اپنی چپیٹ میں لینے لگی ہے۔
اب تک اس بیماری سے 10 ہزار سے زیادہ لوگ متاثر ہوچکے ہیں اور دو سو سے زیادہ ہلاکتوں کی اطلاع ہے۔
تیزی سے پھیلتی اس بیماری کو عالمی ادارہ صحت نے ایک عالمی ہنگامی صورتحال قرار دیا ہے۔
ماہرین کا ماننا ہے کہ وقت وقت پر پھیلتی اس طرح کی بیماری ہمیں آگاہ کرتی ہے کہ اب بھی وقت ہے اپنے ماحولیات کے تئیں ہم حساس ہوجائیں ورنہ وہ دن دور نہیں جب اس طرح کی وبا سے شہر کے شہر ختم ہوجائیں گے۔
