سابق وزیراعظم نرسمہاراؤ کے پوتے و بی جے پی رہنما این وی سبھاش نے کہا کہ' بابری مسجد کا فیصلہ کانگریس کے چہرہ پر طمانچہ ہے، کیونکہ کانگریس نے سابق وزیراعظم نرسمہاراو کو بابری مسجد کی شہادت کے لئے مورد الزام ٹہرایا تھا اور الزام لگایا تھا کہ انہوں نے کارسیوکوں کے مسجد کے گنبد پر چڑھ جانے کے دوران نیم فوجی دستوں کو بھیجنے کے باوجود کچھ نہیں کیا'۔
اپنے بیان میں سبھاش نے کہاکہ' ان کے دادا نے اپنی کتاب 'ایودھیا 6 دسمبر 1992'میں لکھا ہے کہ انہوں نے سماج کے مختلف شعبہ جات سے تعلق رکھنے والی شخصیات کے ساتھ رابطہ اور بات چیت کے ریکارڈس کا ثبوت دیئے ہیں اور نیک نیتی کے ساتھ کام کیا ہے'۔
مزید پڑھیں:
راہل - پرینکا کے قافلے کو پولیس نے روکا، بدسلوکی بھی کی گئی
تاہم ان کی خود کی پارٹی کے رہنماؤں نے ان کو مورد الزام ٹہرایا ہے۔ سبھاش نے کہاکہ' سی بی آئی عدالت کا فیصلہ کانگریس کے رہنماؤں کی آنکھیں کھولنے کے لئے کافی ہے جو نرسمہاراؤ کو اس شہادت کیلئے ذمہ دار قرار دیتے ہیں'۔
