آل آنڈیا مجلس اتحاد المسلمین کے صدر اور رکن پارلیمان اسدالدین اویسی وزیر اعظم مودی کے اعلان پر شدید نکتہ چینی کی ہے، انہوں نے کہا کہ 'آپ نے بہت سے تہواروں کا ذکر کیا لیکن عید الاضحی کے بارے میں بھول گئے۔'
اسدالدین اویسی نے وزیر اعظم نریندر مودی کو اپنے خطاب میں چین کا ذکر نہیں کرنے پر نکتہ چینی کرتے ہوئے اس سلسلے میں ایک ٹویٹ کیا، اپنے ٹویٹ میں اویسی نے وزیر اعظم کے دفتر کو ٹیگ کرتے ہوئے لکھا 'آج انہیں چین پر بولنا تھا، بول گئے چنے پر، اصل میں اس کی ضرورت بھی تھی، کیونکہ آپ کے غیر منصوبہ بند لاک ڈاون سے بہت سارے لوگ بھوکے رہ گئے۔'
اویسی مزید لکھتے ہیں 'آپ نے آئندہ مہینوں میں آنے والے بہت سارے تہواروں کا ذکر کیا، لیکن عید الاضحٰ کو بھول گئے؟ چلو پھر بھی آپ کو پیشگی عید مبارک ہو۔'
وزیر اعظم نریندر مودی نے گزشتہ روز اپنے خطاب میں کہا کہ پردھان منتری غریب کلیان انا یوجنا کو اب دیوالی اور چھٹھ پوجا یعنی نومبر کے آخر تک بڑھادیا جائے گا، اس دوران حکومت کی طرف سے 80 کروڑ لوگوں کو پانچ کلو گندم یا پانچ کلو چاول مفت دیا جائے گا، اس کے علاوہ ہر ایک خاندان کو ایک کلو چنا بھی مفت دییے جائیں گے، اس پر 90 ہزار کروڑ روپئے خرچ ہوں گے۔
