انہوں نے مزید بتایا کہ ریاست میں کرونا کی جانچ کے لئے جو طریقہ اپنایا ہے اس کی رپورٹ آنے میں 22 گھنٹوں کا انتظار کیا جا تا ہے ۔جب کہ انٹی جین ٹیسٹ کی رپورٹ ایک گھنٹے میں دستیاب ہو گی ۔
وزیر صحت راجیش ٹوپے نے نامہ نگاروں سے گفتگو کرتے ہوئے کہا کہ ریاست میں ایک لاکھ انٹی جین ٹیسٹ کٹس جلد ہی دستیاب کردی جائیں گی۔انہوں نے کہا کہ خریداری کے احکامات دے دیئے گئے ہیں۔
کووڈ 19 کے فرنٹ لائن کارکنوں ، جیسے ضروری خدمات کے عملے ، صحت کے کارکنوں ، پولیس اور دیگر پر یہ ٹیسٹ کروانے کو ترجیح دی جائے گی۔ انہوں نے یہ بھی کہا کہ ریاستی حکومت نے تیزی سے اینٹی باڈی ٹیسٹ کروانے کا بھی فیصلہ کیا ہے۔
جن کی کِٹس کو جنوبی کوریا کی ایک کمپنی فراہم کرے گی ۔اس کی مدد سے یہ پتہ لگانے میں مدد ملے گی کہ کیاکسی شخص کو کووڈ 19 انفیکشن ہے۔
مہاراشٹرا میں کورونا وائرس سے متاثرہ افراد کی تعداد بدھ کی رات تک ایک لاکھ 22 ہزار سے زائد ہو چکی ہے اور کرونا سے مرنے والوں کی تعداد 6 ہزار 739 ہے ۔
