امروہہ: این آر سی کے تعلق سے لوگوں میں خوف و ہراس

شہریت ترمیمی قانون بن جانے کے بعد امروہہ کے باشندوں کو اب این آر سی کا خوف ستانے لگا ہے۔ یہی وجہ ہے کی سیکڑوں کی تعداد میں لوگ اپنی پیدائش سے متعلق کاغذات سرکاری دفتر میں تلاش کر رہے ہیں۔

ریاست اتر پردیش کے ضلع امروہہ کے باشندے آج کل میونسپلٹی میں سیکڑوں کی تعداد میں لوگ دکھائی دے رہے ہیں وجہ ہے شہریت ترمیمی قانون بن جانے کے بعد اب این آر سی کا خوف۔

مقامی لوگ اس بات سے خوفزدہ ہیں کہ دونوں ایوانوں سے شہریت ترمیمی بل پاس ہو کر قانون کی شکل اختیار کر ہی چکا ہے تب ہو سکتا ہے کہ دیر سویر این آر سی کے تعلق سے بھی سرگرمیاں شروع ہوجائے۔

یہی وجہ ہے کی علاقے کے لوگ خاص کر مسلمان طبقہ اپنی و اپنے عزیزوں کی پیدائش اور موت سے متعلق دستاویزات حاصل کرنے کے لیے امروہہ میونسپلٹی میں لائن لگائے کھڑا ہے۔

امروہہ میونسپلٹی کے ای او منی بھوشن تیواری کی مانے تو میونسپلٹی میں عام دنوں کی بہ نسبت ان دنوں عوام کی تعداد چار گنا زیادہ ہے جس کی وجہ صرف این آر سی کا خوف ہے۔