وزیر داخلہ امت شاہ نے راہل گاندھی کے بیان پرر دعمل ظاہر کرتے ہوئے کہا ہے کہ ایسے وقت میں جب پورا ملک متحد ہے تو راہل گاندھی کو بی گٹھیا سیاست سے سے اوپر اٹھنا چاہیے، راہل گاندھی کو بھی ملک کے ساتھ مضبوطی سے کھڑے رہنا چاہیے'۔
خیال رہے کہ وزیر داخلہ امت شاہ نے گلوان وادی میں زخمی ہونے والے ایک فوجی کے والد کا ویڈیو ری ٹویٹ کرتے ہوئے کہا زخمی فوجی کے والد کا راہل گاندھی کو صاف طور پر پیغام ہے۔
زخمی فوجی کے والد ایک ویڈیو شیئر کرتے ہوئے وہ یہ کہہ رہے ہیں کہ 'بھارتی فوج ایک بہادر فوج ہے'۔
آپ کو بتا دیں کہ زخمی فوجی کے والد نے کہا ہے کہ بھارتی فوج چین کیا کسی بھی ملک کی فوج کو شکست دے سکتی ہے، میں راہل گاندھی سے کہوں گا کہ وہ اس پر سیاست نہ کریں۔
میرا بیٹا فوج میں لڑا ہے اور صحتیاب ہو کر ایک بار پھر اچھی طرح لڑے گا، بتادیں کہ وادی گلوان میں تصادم کے واقعے کے بعد سے ہی حزب اختلاف کی جماعتیں مسلسل حکومت کو گھیرنے کی کوشش کررہی ہے، اور محاذ آرا ہو گئی ہے۔
