پلوامہ حملے اور اس کے بعد بڑھتی کشیدگی کے دوران خفیہ اطلاعات ملنے پر حکومت نے ایئر پورٹ پر سخت سکیورٹی انتطامات کرنے کے لیے کہاہے۔
بیورو آف سیول ایویئشن سکیورٹی نے الرٹ جاری کرکے سبھی صوبوں کے سینیئر پولیس افسران، سبھی ایئر لائنز اور ایئر پورٹ پر سکیورٹی انچارجوں اور سی آئی ایس ایف کے افسروں کو سکیورٹی میں اضافہ کرنے کے لیے کہا گیا ہے۔
الرٹ کو لے کر جاری نوٹیفکیشن میں کہا گیا ہے ،'پلوامہ حملے اور اس کے بعد ہوئے واقعات کے بعد خفیہ اطلاعات ملنے کے بعد ایئر پورٹ، فضائیہ فوجی اسٹیشنوں، ہیلی پیڈ وغیرہ جیسے سبھی سیول ایویئیشن اداروں میں سکیورٹی سخت کرنا لازمی ہے تاکہ کسی طرح کا کوئی ناخوشگوار واقعہ نہ ہو۔'